قاااموس الشباب بس حرف ال أ‏

هااااي كوووول فريندز ده القاموس بتاع الولاد عشان البنت تبقي فاهمه اقاموس روش طحن الجزء الاول
حرف ( أ )
*استمورتنج :
لفظ يقــال في الصباح بغرض تناول الطـعـام او التدخين او شرب الشاي بغرض يفيق الشــاب من نعــاسه مثل : هاروح اعمل استمورتنج وجاااي

*أعمل دماغ :
عباره مشهوره لدي المدخنين ويقصد بها ضبط الحاله المزاجيه عند المدخن

*أديــها جاز :
تقال في مواقف المشاحنات بين الاصدقاء لزياده حده المشاحنه مثل :
أدي الخناقه جاز علشــان تولع او( شعللها ) سواء بالكلمات او توجيه اللوم لاحد المتشاجررين لكي يثور ع الاخر

*اختفي شويه :
اي لا تجعل احد يراك هنا او بعد الان او امشي من هنا مثل :
عاوزك تختفي شويه لحد مالحياااااه تعدي اي لا تظهر نفسك حتي تنتهي المشاكل او اختفي من امامي الان ...اي امشي واترك المكان لاني لا اريد رؤيتك

*ايه النظام :
عباره بمعني ايه الموضوع , ولقد استغلت الكلمه في احد اعلانات الموبيل في نظام كرووت الشحن
و العباره تدخل في عديد من الاحداث مثل( ايه النظام ...النظام في العظام )
والعباره الاخيره تفيد الاعتراض علي الاجابه باسلوب فيه عبط واستهبااااااال

*أليـــط :
اي المتكبر الذي يتعامل مع الاخرين فيه تعـااااالي او ينظر الي الاخرين نظره الدنيا المتعجرفه

*other stone :
وتعنــي بالروش حجر اخر لشاربي الشيشه ع المقاهي

*اتشبح :
مصطلح بمعني الضرب لدرجه التعذيب وتقال (( شبحته )), ((شبحتهولك ))اي اعتديت عليه لدرجه الضرب المبرح
*اتـــــم :
و الاتامه حسب الروشنه تعني الغلاسه و الرخامه ..و التناحه , وجميع الصفات السيئه التي قد يتصف بها شاب معين
ويقولون- الاتــم جه- اي استعدوا لتحمل السفاجه التي سوف تظهر من هذا الشاب

*ازبهل :
لفظ يدل ع الزهول الشديد ويقال ( انت مزبهل ليه كده ) اي مندهش لدرجه العبط

*أحــلق :
لا تعني الذهاب للحلاق لقص الشعر ولكنه يفيد تجاهل الغير مثل ( احلق له ) اي لا تفكر فيما يقول فهو لا يستحق
* أعلـمه :
بمعني التشويه في جزء من الوجهه بأله حاده . مثلما اراد محمد سعد في فيلم الناظر مع النجم علاء ولي الدين ( أعلمك بمطوه يابو صلاح ده ختم الصياعه )

*أمبلايز :
مصطلح بمعني ( في الفشوش ) اي ان الموضوع الذي سعيت من اجله لم يتم
ويقال ( الحياه في الامبلايز) اي ان الحياه خربانه و فاشله

*أنجز بالونجز :
كل المشاكل التي تقابلها لها حل مادمت تدفع المقابل
و ( الونجز ) يقولون انها كانت نوع من انواع الجاير قديما ولكنها اصبحت تطلق ع النقود لانها حلاله العقد وسريعه في انهاء المصالح المتوقفه

*أستك :
مصطلح بمعني الاف جنيه

*أرنب :
طبعا مش محتاجين اوصفهولك بيتسرق من مصر كل يوم كتير منه والارنب هنا مش بمعني الحيوان ولكنه بمعني المليووووون جنيه ويقسمه المصريون الي نوايب هههههههه اي بمعني نص ارنب وربع ارنب وهكذا وفي كمان حاجه اسمها ورك الارنب اي المائه الف جنيه ياسلم عليكم يامصراويه


*اخلع دلوقتي :
عباره تقال كأعلان لرغبتك في رحيل شخص ما انهيت الحديث معه
مثل : اخلع دلوقتي ورايا شغل , اي امشي الان ورايا ونتكلم مره اخري فلدي ما اهتم به غيرك


وكده يبقي خلصت المصطلحات اللي اعرفها بحرف ( أ )
, يريت اسمع ردكم عليهم علشان انا فعلا تعبت فيهم وكمان لسه في باقي الحروف قولولي رايكم انزل الباقي ولا بلاش وأقفل ع المصطلحات علي فكره أقفل يعني أسك عليهم او اطنشهم هههههههههه

*أبعته :
لفظ بمعني أخدعه او أضحك عليه حتي تضحك عليه من تصرفاته

يريد تقولولي اكمل بقيه الحروف ولا لأ

حاااااااااااااااااضر هههههههههه

انا تعبت والله من القراءه كل ده ع حرف الالف اومال الباقى هتعمل فيه ايه

هعمله برشااااااااااااااااام ههههههههههههههه

شكرا يا مان

ههههههههههههههههههههه..........